راولپنڈی: پاک فوج اور انڈونیشیا کی مسلح افواج کے درمیان نیشنل کاؤنٹر ٹیررازم سینٹر (NCTC) میں پاک انڈونیشیا کی مشترکہ مشق ایلنگ اسٹرائیک II پیر کو پبی میں شاندار انداز میں اختتام پذیر ہوگئی۔
مشق ایلنگ اسٹرائیک II دونوں ممالک کے درمیان انسداد دہشت گردی کے سلسلے میں دوسری مشق ہے۔ ایک ہفتہ طویل مشق کا آغاز 8 ستمبر 2024 کو ہوا۔ مشق کا مقصد دونوں افواج کے درمیان تجربہ اور تربیتی طریقہ کار کا باہمی فائدہ مند اشتراک تھا جن کے درمیان مضبوط برادرانہ تعلقات ہیں۔ اختتامی تقریب میں جنرل آفیسر کمانڈنگ 17 ڈویژن مہمان خصوصی تھے۔ انڈونیشیا کے دفاعی اتاشی کرنل بوڈی ویرمین نے بھی اختتامی تقریب میں شرکت کی۔ انٹر سروسز پبلک ریلیشنز (آئی ایس پی آر) نے ایک بیان میں کہا کہ فوجیوں نے مشق کے دوران پیشہ ورانہ مہارت کے اعلیٰ ترین معیارات کا مظاہرہ کیا۔
