ڈیلی دومیل نیوز.بالسیری (نمائندہ خصوصی) – علامہ اقبال اوپن یونیورسٹی کی ریجنل ڈائریکٹر میڈم شازیہ صدیق کی زیر صدارت تحصیل پٹہکہ نصیرآباد سے تعلق رکھنے والے یونیورسٹی ٹیوٹرز کی ایک اہم میٹنگ گورنمنٹ بوائز ڈگری کالج بالسیری میں منعقد ہوئی۔
میٹنگ میں تدریسی اور انتظامی نظام، خصوصاً CMS (کورس مینجمنٹ سسٹم) اور LMS (لرننگ مینجمنٹ سسٹم) پر تفصیلی گفتگو کی گئی۔ میڈم شازیہ صدیق نے ٹیوٹرز کو طلبہ کی رہنمائی، بروقت معاونت اور تدریسی معیار کی بہتری کو ترجیح دینے کی ہدایت کی۔
انہوں نے ڈیجیٹل پلیٹ فارمز کے مؤثر استعمال، جدید تدریسی رجحانات، اور طلبہ سے مؤثر رابطہ کاری کے تقاضوں پر بھی روشنی ڈالی۔
اس موقع پر پروگرام انچارج جناب رمیض فرید، ریجنل کوآرڈینیٹر جناب نصیر احمد سمیت مرد و خواتین ٹیوٹرز کی بڑی تعداد شریک ہوئی۔ شرکاء نے تدریسی عمل کو مؤثر بنانے کے لیے قیمتی تجاویز پیش کیں، جنہیں سراہا گیا۔
میٹنگ کے بعد میڈم شازیہ صدیق نے گورنمنٹ بوائز ڈگری کالج بالسیری میں قائم علامہ اقبال اوپن یونیورسٹی کے امتحانی سنٹر کا بھی معائنہ کیا۔ انہوں نے امتحانی عمل، سہولیات اور عملے کی تیاری پر اطمینان کا اظہار کیا اور بہتری کے لیے مفید تجاویز دیں۔
میٹنگ کا اختتام دعائیہ کلمات اور یونیورسٹی کے تعلیمی مشن کو مؤثر انداز میں آگے بڑھانے کے عزم کے ساتھ کیا گیا۔
