مظفرآباد (ڈیلی دومیل نیوز) — سبزی منڈی کے باہر قائم سیکیورٹی خیمہ بھی تھڑہ مافیا کے زیر قبضہ آ گیا ہے۔ عوام کی حفاظت اور داخلی نگرانی کے لیے انتظامیہ کی جانب سے نصب سیکیورٹی خیمے کو تجاوزات مافیا نے اپنی دکان میں تبدیل کر دیا ہے، جس پر متعلقہ اداروں کی خاموشی سوالیہ نشان بن چکی ہے۔
خیمہ کا اصل مقصد پسِ پشت
سیکیورٹی خیمے کا مقصد منڈی کے داخلی راستے پر:
لوگوں کی چیکنگ
ٹریفک کی روانی میں بہتری
سیکورٹی اہلکاروں کی موجودگی
کو یقینی بنانا تھا، مگر اب اس خیمے میں تھڑہ مافیا نے مستقل بنیادوں پر پھل و سبزیوں کی فروخت کا سلسلہ شروع کر رکھا ہے۔
انتظامیہ کی بے حسی یا ملی بھگت؟
شہری حلقوں کا کہنا ہے کہ:
“اگر انتظامیہ خود ایسے خیموں کو محفوظ نہ رکھ سکے، تو عوام کی جان و مال کی حفاظت کیسے کرے گی؟”
بعض شہریوں نے تجاویز دی ہیں کہ سیکیورٹی پوائنٹس کو مکمل تحفظ فراہم کیا جائے اور خیمے جیسے نازک مقامات پر تھڑہ مافیا کو فوری بے دخل کر کے مؤثر کارروائی کی جائے۔
شہریوں کا مطالبہ
تھڑہ مافیا کے خلاف فوری ایکشن
سیکیورٹی خیمے کو اصل مقصد کے تحت بحال کیا جائے
متعلقہ ادارے اپنی غفلت اور خاموشی ختم کریں
