’نوازشریف کی واپسی پر ریڈ کارپٹ( ن) لیگ نہیں بلکہ کوئی اور بچھا رہا ہے, وہ اس عمر میں بھی ۔ ۔ ۔‘ خورشید شاہ کھل کر بول پڑے

پاکستان پیپلزپارٹی کے رہنما خورشید شاہ نے کہا ہے کہ نواز شریف عمر کے اس حصے میں طاقتور حلقوں سے ڈیل کر کے اقتدار میں آئیں گے تو ان کی سیاست کیا بچے گی؟ ان کی واپسی پر ریڈ کارپٹ (ن) لیگ نہیں بلکہ کوئی اور بچھا رہا ہے۔
خورشید شاہ کا کہنا تھاکہ( ن) لیگ نے کافی تکلیفیں دیکھی ہیں، پہلے بھی کہہ چکا ہوں کہ بیک ڈور سیاست چھوڑ دیں، کب تک بیک ڈور سیاست چلتی رہے گی؟ نوازشریف کو کہہ رہا ہوں کہ کیاکررہےہیں؟ پھرغلطی کرناچاہ رہے ہیں، جو کسی کے کندھے پر چڑھ کر آئے گا تو اس میں فیصلہ کرنے کی کیا طاقت ہوگی؟ کیا اب بھی ہم نہیں سدھریں گے؟ نواز شریف عمر کے اس حصے میں طاقتور حلقوں سے ڈیل کر کے اقتدار میں آئیں گے تو ان کی سیاست کیا بچے گی؟