ایک چونکا دینے والے واقعے میں، ایک ہائی وے پولیس اہلکار ہلاک اور دو دیگر اس وقت گولی لگنے سے زخمی ہوئے جب گاڑی میں سوار نامعلوم حملہ آوروں نے ٹریفک چالان پر زبانی جھگڑے سے قبل ان پر فائرنگ کر دی۔
پولیس کے مطابق واقعہ اس وقت پیش آیا جب مانسہرہ میں بیدرہ انٹر چینج پر پولیس نے کار ڈرائیور کا چالان کیا۔ کار پشاور سے مانسہرہ جا رہی تھی۔
مانسہرہ کے ڈسٹرکٹ پولیس آفیسر (ڈی پی او) شفیع اللہ گنڈا پور کے مطابق فائرنگ کے بعد آس پاس کے علاقوں کو گھیرے میں لے لیا گیا اور مشتبہ افراد کی گرفتاری کے لیے سرچ آپریشن شروع کر دیا۔
جاں بحق پولیس اہلکار کی شناخت عامر خان سواتی کے نام سے ہوئی ہے۔
واضح رہے کہ گزشتہ دنوں موٹروے پولیس پر تشدد کے ایسے ہی واقعات سامنے آئے ہیں۔
24 اپریل کو، ایک خاتون نے اپنی گاڑی موٹروے پولیس کے اہلکاروں سے ٹکرا دی اور تیز رفتاری سے روکنے پر ٹریفک وارڈنز پر غصہ نکالا۔
اس پورے واقعے کو فلمایا گیا اور سوشل میڈیا پر پوسٹ کیا گیا، جس میں اسے موٹروے پولیس افسر کے ساتھ بدسلوکی کرتے ہوئے دکھایا گیا کہ وہ تیز رفتاری کے باعث پکڑی گئی۔
بعد ازاں ایسا ہی ایک اور واقعہ کلر کہار کے قریب پیش آیا جہاں دو خواتین نے موٹروے پولیس کے اہلکاروں کے ساتھ ’بدتمیزی‘ کی، جھگڑے کے دوران انہیں دھمکیاں دیں اور گالیاں دیں۔
اس واقعے کی ویڈیو سوشل میڈیا پر وائرل ہوئی، جس میں انہیں یہ الزام لگاتے ہوئے سنا گیا کہ موٹروے کے اہلکاروں نے ایک خاتون کو اس وقت زخمی کر دیا جب وہ پولیس اہلکاروں کی ویڈیو بنا رہی تھی کہ اس کا موبائل فون چھیننے کی کوشش کی۔
