مظفرآباد (پریس ریلیز) — عدالت عالیہ آزاد جموں و کشمیر کی جانب سے جاری اعلامیہ کے مطابق وہ امیدواران جنہوں نے “فٹنس سرٹیفکیٹ برائے حصول لائسنس وکالت / انرولمنٹ سپریم کورٹ آزاد جموں و کشمیر” کے لیے درخواستیں جمع کروائی تھیں اور جن کے اعتراضات یکسو ہو چکے ہیں، انہیں مطلع کیا جاتا ہے کہ چیف جسٹس عدالت عالیہ آزاد جموں و کشمیر نے موزونیت جانچنے کے لیے مورخہ 27 ستمبر 2025 مقرر فرمائی ہے۔
اعلامیہ میں کہا گیا کہ امیدواران کی حتمی فہرست عدالت عالیہ کی ویب سائٹ https://ajkhighcourt.gok.pk
پر اپلوڈ کر دی گئی ہے۔
مزید بتایا گیا کہ تمام امیدواران جن کے اعتراضات نمٹائے جا چکے ہیں وہ مورخہ 27 ستمبر 2025 بروز ہفتہ صبح 9 بجے اصل تعلیمی اسناد اور دیگر متعلقہ دستاویزات کے ہمراہ عدالت عالیہ ہیڈ کوارٹر مظفرآباد میں انٹرویو کے لیے پیش ہوں۔
