بھمبر (ڈیلی دومیل نیوز) ایس پی بھمبر کی ہدایت پر باب کشمیر پل پر ٹریفک اور سٹی پولیس کی مشترکہ کارروائیاں، متعدد گاڑیاں اور موٹر سائیکل ضبط،ایس پی بھمبر خواجہ عبدالقیوم کی خصوصی ہدایت پر ایس ایچ او سٹی تھانہ ملک محمد رضوان اور ٹریفک انچارج راجہ محفوظ کی سربراہی میں باب کشمیر پل پر جنرل ہولڈ اپ کے تحت مؤثر چیکنگ کی گئی۔ کارروائی کے دوران بسوں کے کاغذات، بغیر ہیلمٹ موٹر سائیکل سواروں، اوورلوڈ گاڑیوں اور زائد کرایہ وصول کرنے والوں کے خلاف سخت ایکشن لیا گیا۔چیکنگ کے دوران متعدد موٹر سائیکل اور گاڑیاں ضبط کی گئیں جبکہ خلاف ورزی کرنے والوں کے خلاف چالان اور قانونی کارروائیاں عمل میں لائی گئیں۔ ایس پی بھمبر کا کہنا ہے کہ ٹریفک قواعد کی خلاف ورزی کسی صورت برداشت نہیں کی جائے گی، عوامی سہولت اور سڑکوں پر محفوظ گزرگاہ یقینی بنانے کے لئے ایسی کارروائیاں مسلسل جاری رہیں گی۔ٹریفک انچارج راجہ محفوظ اور ایس ایچ او ملک رضوان نے شہریوں سے اپیل کی کہ ٹریفک قوانین پر عمل کریں، ہیلمٹ کا استعمال یقینی بنائیں اور گاڑیوں کے کاغذات مکمل رکھیں تاکہ کسی بھی ناخوشگوار صورتحال سے بچا جا سکے۔
5
