ڈیلی دومیل نیوز،وفاقی وزیر امور کشمیر انجینئر امیر مقام نے مسلم لیگ ن آزاد کشمیر کے رہنماؤں کے ہمراہ ایک پریس کانفرنس سے خطاب کیا۔ پریس کانفرنس میں مسلم لیگ ن آزاد کشمیر کی قیادت شریک تھی اور اس دوران اہم سیاسی پیش رفت سے آگاہ کیا گیا۔
پریس کانفرنس میں بتایا گیا کہ حلقہ شرقی باغ سے رکن قانون ساز اسمبلی نے مسلم لیگ ن میں شمولیت اختیار کر لی ہے۔ اس شمولیت کا اعلان مسلم لیگ ن آزاد کشمیر کی قیادت کی موجودگی میں کیا گیا۔
صدر مسلم لیگ ن آزاد کشمیر شاہ غلام قادر نے پریس کانفرنس سے خطاب کرتے ہوئے کہا کہ مسلم لیگ ن آزاد کشمیر مختلف حلقوں میں اپنے ساتھیوں کو واپس اپنے گھر لا رہی ہے۔ انہوں نے کہا کہ پارٹی کی کوشش ہے کہ وہ افراد جو کسی وجہ سے مسلم لیگ ن کے ساتھ نہیں رہے، انہیں دوبارہ ساتھ شامل کیا جائے۔
