بھمبر(ڈیلی دومیل نیوز)سپریم کورٹ کی ہدایت پر فوڈ اتھارٹی کے چھاپے ،ناقص آئس کریم فروخت کرنے والوں کے خلاف کارروائی،متعدد کوجرمانے اور دکانیں سیل کی گئیں ۔
آزاد جموں و کشمیر فوڈ اتھارٹی بھمبر کی جانب سے بھمبر بازار میں آئس کریم مراکز، گوداموں اور مارٹس کا تفصیلی معائنہ لیا گیا ۔
ڈپٹی ڈائریکٹر اعجاز احمد قمر اور ڈسٹرکٹ فوڈ کنٹرولر راجہ محمود کی نگرانی میں، آزاد جموں و کشمیر فوڈ اتھارٹی بھمبر کی ٹیم نے آج بھمبر بازار مارکیٹ میں آئس کریم تیار کرنے ، ذخیرہ کرنے اور فروخت کرنے والے مراکز کی تفصیلی انسپکشن کی ۔
