پاکستان میں منشیات کی آن لائن سمگلنگ میں ملوث بڑا نیٹ ورک پکڑا گیا ہے، اینٹی نارکوٹکس فورس نے مختلف شہروں میں کارروائی کرتے ہوئے 11 افراد کو گرفتار کرلیا ہے۔
ترجمان اینٹی نارکوٹکس فورس (اے این ایف) کے مطابق چند ماہ سے آن لائن شاپنگ پلیٹ فارمز کے ذریعے منشیات سمگلنگ کی اطلاعات مل رہی تھیں جس کے بعد ملک کے چاروں صوبوں میں کارروائی کرکے 11 افراد کو حراست میں لے لیا گیا ہے جبکہ نیٹ ورک سے منسلک مزید ملزمان کی نشاندہی بھی کرلی گئی ہے۔ ترجمان کا کہنا ہے کہ اے این ایف نے 33 پارسل قبضے میں لے کر 53.7 کلو چرس قبضے میں لے لی، کارروائی میں1.6 کلو آئس، 1.2 کلو افیون بھی برآمد کی گئی۔ترجمان اے این ایف نے بتایا کہ ایک پیشہ ور گروہ آن لائن شاپنگ پلیٹ فارم پر کمپنیاں رجسٹر ڈکرکے منشیات سمگلنگ کر رہا تھا۔
41
